Kancelaria e Perandorit të Austrisë dhe Mbretit Apostolik të Hungarisë, Franc Jozefit I, akordoi një titull në emër të kryeipeshkvit shqiptar, Lazër Mjeda. Imzot Mjeda, lindur në Shkodër, më 6 mars të vitit 1869, përveçse kreu një aktivitet klerikal të palodhur, u shqua edhe për atdhedashurinë e shprehur përmes themelimit të shoqërisë letrare “Agimi”, e cila mori përsipër botimin e teksteve shkollore të kohës. Po ashtu, si ipeshkëv, ndërtoi shumë struktura kishtare dhe godina shkollash. (Në fotografi: Titulli në emër të kryeipeshkvit shqiptar, Lazër Mjeda.)
Teksti: Arkivi Qendror Shtetëror
Fotografia: © Arkivi Qendror Shtetëror
Përpunim grafik: AHCF
