Në burg, u nda nga jeta Nikoll Gjinaj, klerik katolik. Lindi më 1910, në Mëgullë, Shkodër. Studioi filozofi dhe teologji në Romë. Deri më 1951 shërbeu si meshtar në Sumë (Shkodër). Më 13 dhjetor 1952, Gjykata Ushtarake e Shkodrës e dënoi për “tradhti ndaj atdheut”, me 20 vjet burg dhe humbjen e së drejtës elektorale për 5 vjet. Arrestuar sërish më 15 tetor 1979. Më 21 dhjetor 1979, Gjykata e Shkodrës e ridënoi për “agjitacion e propagandë” me 10 vjet burg. (Në fotografi: Dom Nikoll Gjinaj)
Teksti: Fjalor enciklopedik i viktimave të terrorit komunist – Vëll. III, “West Print”, Instituti i Studimit të Krimeve dhe Pasojave të Komunizmit, Tiranë, 2014, faqe 44.
Fotografia: © Xhoxhi L., arkivi vetjak
Përpunim grafik: AHCF
