Në Fier lindi Liri Gero, pjesëmarrëse në Luftën Antifashiste Nacionalçlirimtare, Heroinë e Popullit. Hyri në radhët e Rinisë Komuniste më 1942 dhe dha ndihmesë në organizimin e mobilizimin e rinisë së qytetit të Fierit në Luftën Antifashiste Nacionalçlirimtare. Në fillim të vitit 1943 u pranua anëtare e Partinë Komuniste Shqiptare. U dallua si agjitatore e ideve të Luftës Antifashiste Nacionalçlirimtare. Mori pjesë si komandante skuadre në luftimet e batalionit IV të Brigadës XVI Sulmuese. Në një luftim me nazistët gjermanë në Çukas të Fier-Sheganit (Lushnjë), më 1944, pasi u plagos disa herë, u kap nga pushtuesit, të cilët e dogjën të gjallë. (Në fotografi: Liri Gero)
Teksti: Fjalor enciklopedik shqiptar – Vëll. 1, Akademia e Shkencave e Shqipërisë, “Kristalina-KH”, Tiranë, 2008, faqe 763.
Fotografia: © https://sq.wikipedia.org/wiki/Liri_Gero
Përpunim grafik: AHCF
