5, 6 dhe 7 mars 1998
U zhvillua njëra ndër betejat më të rëndësishme të Ushtrisë Çlirimtare të Kosovës kundër agresionit ushtarak të ish-Jugosllavisë. Forca të shumta serbe sulmuan familjen e komandantit legjendar Adem Jashari, dhe, pas një rezistence të fortë në Prekaz, u vranë 55 persona, ndër të cilët më shumë se 20 prej tyre ishin fëmijë dhe gra. Sakrifica e familjes Jashari në krye me komandantin legjendar Adem Jashari, në Kosovë vlerësohet si kthesë e madhe, që i dha zgjidhje çështjes së Kosovës. Adem Jashari u bë simbol dhe frymëzim i luftës së Ushtrisë Çlirimtare të Kosovës, ushtri e cila vazhdoi rrugën deri në çlirimin e Kosovës, më 12 qershor 1999. (Në fotografi: Foto ilustruese mbi Epopenë Çlirimtare të Kosovës.)
Teksti: Muzeu Historik Kombëtar
Përpunim grafik: AHCF
