U nda nga jeta Anastas Kondo, shkrimtar, skenarist. Lindi në Kuçovë, në vitin 1937. Më 1961 kreu studimet e larta në Universitetin e Shën Petërsburgut, Fakultetin e Gjeologjisë, katedrën e paleontologjisë. Që në bankat e shkollës së mesme u dallua pasioni i tij për letërsinë dhe artet. Puna e inxhinierit gjeolog me lëvizjet e shumta anekënd atdheut dhe njohja me njerëz të ndryshëm e frymëzuan të shkruante reportazhe e më vonë tregime që filluan të botohen në organet e shtypit, si “Zëri i Rinisë”, “Drita” etj. Më vonë do të botoheshin edhe romane që do të tërhiqnin vëmendjen e lexuesve dhe të kineastëve. Në vitet 1973–1976 ka qenë sekretar për letërsinë i Lidhjes së Shkrimtarëve dhe Artistëve dhe nga 1976–1983, Kryetar i Komitetit të Kulturës dhe Arteve. (Në fotografi: Anastas Kondo)
Teksti: Viktor Gjika
Fotografia: © https://www.kinematografia-shqiptare-sporti.com/anastas-kondo-1937-2006-perkujtimore/
Përpunim grafik: AHCF
