Në Gërmenj të Kavajës, u vra në luftë kundër bashkëpunëtorëve të fashizmit Maliq Muço (1922–1944), pjesëmarrës i Luftës Antifashiste Nacionalçlirimtare, Hero i Popullit. Lindi në Tragjas të Vlorës. Përqafoi idetë komuniste dhe u bë anëtar i Partisë Komuniste Shqiptare menjëherë pas themelimit të saj. U caktua sekretar i Komitetit Qarkor të Partisë Komuniste Shqiptare për Durrësin (1942). Luftëtar në njësitet guerile të Durrësit, organizator dhe pjesëmarrës në shumë atentate dhe aksione kundër pushtuesit. Komisar batalioni në Grupin partizan të Pezës (1944), që mori pjesë në shumë luftime. (Në fotografi: Maliq Muço)
Teksti: Fjalor enciklopedik shqiptar – Vëll. 2, Akademia e Shkencave e Shqipërisë, “Kristalina-KH”, Tiranë, 2008, faqe 1769.
Fotografia: © Xhoxhi L., arkivi vetjak
Përpunim grafik: AHCF
