Në Kuvendin Françeskan të Gjuhadolit (Shkodër) u nda nga jeta at Viktor Volaj, klerik, martir i Kishës Katolike. Lindi në Shirokë të Shkodrës, në vitin 1910. Më 10 shtator 1925 hyri në seminarin françeskan. Duke filluar prej vitit 1937 e deri në vitin 1946 ishte profesor i gjuhëve klasike, greqisht e latinisht në “Liceum Illyricum”. Si njohës i mirë i gjuhës shqipe, në vitin 1946 u thirr në Kongresin e Lidhjes së Shkrimtarëve që do trajtonte çështje të gjuhësisë. Në vitin 1942 do të komentonte veprën “Lahuta e Malcisë”. Prej vitit 1949 e deri në vitin 1954 internohet në Tepelenë, Lundërz dhe Kamzë. Mbas internimit kthehet për të vazhduar të shërbejë si famullitar në Tiranë dhe në Bizë në vitet 1954–1967. Gjatë kësaj periudhe u mor me studime gjuhësore e historike. Mbasi u mbyllën kishat e deri në vitin 1990 qëndroi pranë të afërmve të vet nën mbikëqyrjen e shtetit komunist. Vitet e fundit i kaloi në Kuvendin Françeskan të Gjuhadolit. Shkrimet e pabotuara të at Viktor Volaj ruhen në Arkivin e Bibliotekës Françeskane “At Gjergj Fishta” në Shkodër. (Në fotografi: Viktor Volaj)
Teksti: https://kujto.al/personat/viktor-volaj/
Fotografia: © https://sq.wikipedia.org/wiki/Viktor_Volaj
Përpunim grafik: AHCF
