U nda nga jeta Sotir Ferrara, personalitet i klerit dhe i kulturës arbëreshe. Lindi në fshatin Hora e Arbëreshëve (it. Piana degli Albanesi), krahina e Palermos (Sicili), në vitin 1937. U bë prift më 19 nëntor 1960. Ishte profesor i matematikës dhe i lëndëve shkencore, si dhe drejtor i korit bizantin të Katedrales së Shën Mitrit, i cili ishte i përbërë nga arbëreshët e Sicilisë. Sotir Ferrara është konsideruar si “mjeshtri i liturgjisë bizantine të traditës arbëreshe”, pasi ndikoi në përbashkimin shpirtëror e social të arbëreshëve gjatë 25 vjetëve të punës së tij si dhespot (ipeshkëv) i Eparkisë së Horës së Arbëreshëve.(Në fotografi: Sotir Ferrara)
Teksti: Qendra e Studimeve dhe Publikimeve për Arbëreshët, Tiranë.
Fotografia: © https://en.wikipedia.org/wiki/Sotir_Ferrara
Përpunim grafik: AHCF
