Në Vig të Mirditës u vra në luftë me forcat e Gjon Marka Gjonit, Hydajet Lezha, pjesëmarrës i Luftës Antifashiste Nacionalçlirimtare, Hero i Popullit. Lindi në Lezhë, në vitin 1921. Gjatë shërbimit ushtarak ra në kontakt me idetë komuniste. Anëtar i Rinisë Komuniste Shqiptare. U rreshtua në njësitin partizan që vepronte në malësinë e Lezhës, të Pukës e të Mirditës (1944). Dha ndihmesë në mobilizimin e popullsisë së këtyre krahinave në Luftën Antifashiste Nacionalçlirimtare. (Në fotografi: Hydajet Lezha)
Teksti: Fjalor enciklopedik shqiptar – Vëll. 2, Akademia e Shkencave e Shqipërisë, “Kristalina-KH”, Tiranë, 2008, faqe 1485.
Fotografia: © Ledio Xhoxhi, arkivi vetjak.
Përpunim grafik: AHCF
