Përpara xhamisë së fshatit Sauk të Tiranës, u vra nga partizanët Hoxhë Selim Brahja, klerik mysliman. Lindi në fshatin Sauk, në vitin 1890. U diplomua për teologji në Turqi. Në vitin 1916, pas përpjekjesh të mëdha, bashkë me Mehmet Efendi Saukun, arritën të hapin shkollën e parë shqipe në fshat. Mori pjesë aktive në lëvizjen fanoliste të vitit 1924. Në mars të vitit 1940 u arrestua nga italianët dhe u dënua me katër muaj burg. U vra në vitin 1943. (Në fotografi: Hoxhë Selim Brahja)
Teksti: Fjalor enciklopedik i viktimave të terrorit komunist – Vëll. I, “West Print”, Instituti i Studimit të Krimeve dhe Pasojave të Komunizmit, Tiranë, 2012, faqe 200.
Fotografia: © http://aldohysa.blogspot.com/2013/04/selim-brahja-hoxha-i-saukut-u-vra-nga.html
Përpunim grafik: AHF
