Më 1965 filloi punë në teatrin “Migjeni” të Shkodrës. Ka qenë aktor me ngarkesë të plotë rolesh në shumë premiera të suksesshme të këtij teatri. Elez Kadria ka interpretuar edhe në 10 filma, kryesisht role të dyta. Ishte i suksesshëm edhe si regjisor i teatrit të Shkodrës, ku realizoi disa projekte. Ndër vëniet skenike më të suksesshme të tij ishte ajo e dramës “Vizita e inspektorit” e Xh. Pristlit. Nëpërmjet një tisi ironik e sarkastik, me elementet simbolike në gjetjen skenografike, ai përcolli mesazhin dhe kritikën ndaj hipokrizisë, diferencimit klasor, shtypjes së personalitetit të njeriut të pambrojtur apo ndaj korruptimit moral të shoqërisë. U nda nga jeta në vitin 2015. (Në fotografi: Elez Kadria)
Teksti: Josif Papagjoni
Fotografia: © https://www.kinematografia-shqiptare-sporti.com/elez-kadria-1941-2015-perkujtimore-%f0%9f%92%90%f0%9f%8c%b7%f0%9f%8c%bc/
Përpunim grafik: AHCF
