herit_admin

Ra në Drojtje të Junikut Bedri Shala, luftëtar i Ushtrisë Çlirimtare të Kosovës, dëshmor.

Në Kaçanik ra heroikisht Agim Bajrami, luftëtar i Ushtrisë Çlirimtare të Kosovës, Hero i Kosovës.

Në burgun e Qafë-Barit (Pukë) u organizua një grevë urie, e cila ishte një nga kambanat më të forta për ndryshimin e ligjit dhe kërkesave të njëpasnjëshme të organizatave të ndryshme për amnistinë e të burgosurve politikë në Shqipëri.

Në Kukës u var Havzi Nela, poet dhe antikomunist.

Në Saint-Louis dhe në Filadelfia (SHBA) doli numri i parë i gazetës “E vërteta” (1920–1923), gazetë politike, shoqërore, kulturore.

Në Vinçan (Korçë) lindi Nexhip Vinçani, pjesëmarrës i Luftës Antifashiste Nacionalçlirimtare, gjeneralmajor.

Në Butkë të Kolonjës lindi Safet Butka, profesor, nacionalist, kundërshtar i komunizmit, i biri i atdhetarit Sali Butka.

Në Stamboll doli numri i parë i revistës “Drita - Dituria” (1884–1885), revistë e përmuajshme kulturore, letrare dhe arsimore.

Në Shkodër lindi Risto Siliqi, poet dhe publicist, atdhetar e demokrat.

Në Horën e Arbëreshëve (Sicili) lindi Zef Skiroi (Giuseppe Schiró), poet, publicist, folklorist dhe historian arbëresh.