Në qytetin e Shkodrës u zhvillua një demonstratë kundër regjimit komunist. Ndër të tjera, në këtë demonstratë u rrëzua busti i diktatorit që ndodhej në qendër të këtij qyteti. Rezulton se ky bust është i pari i hequr nga piedestalet e qyteteve shqiptare. Për ngjarjen e 13 dhjetorit u ndaluan 78 persona, prej të cilëve 42 u arrestuan. Deri në datën 24 dhjetor 1990 u dërguan në gjyq 50 persona. Parullat e hedhura në këtë demonstratë, ishin: “Liri, demokraci!”, e më pas me parullat “Enver-Hitler”, “Poshtë Enver Hoxha!”, “Poshtë dhuna!”, “Rroftë Amerika!”, “Poshtë Policia”, “Ushtria është me ne!, “Ky pushtet mori fund” etj. (Në fotografi: Godina e Komitetit të PPSH-së në Shkodër dhe busti i Enver Hoxhës.)
Teksti: Kastriot Dervishi
Fotografia: © https://www.observatorikujteses.al/demonstrata-e-13-dhjetorit-1990-ne-shkoder/
Përpunim grafik: AHCF
