U vra në luftë kundër nazistëve Mustafa Kaçaçi, veprimtar i vendosur i Luftës Antifashiste Nacionalçlirimtare, Hero i Popullit. Lindi në Krujë në vitin 1903. U përfshi në veprimtari kundër lëvizjes së Ahmet Zogut (1926–1931). Ishte një nga organizatorët e Kryengritjes së Fierit të vitit 1935. Anëtar i Partisë Komuniste Shqiptare që me themelimin e saj. Mori pjesë në Konferencën e Pezës (1942). U caktua komisar i çetës partizane të Matit. Ishte delegat në Konferencën I të vendit të Partisë Komuniste Shqiptare (1943). U vra në luftë kundër nazistëve. (Në fotografi: Mustafa Kaçaçi)
Teksti: Fjalor enciklopedik shqiptar – Vëll. 2, Akademia e Shkencave e Shqipërisë, “Kristalina-KH”, Tiranë, 2008, faqe 1082.
Fotografia: © Xhoxhi L., arkivi vetjak.
Përpunim grafik: AHCF
