Në Selanik u vra Spiro Kosturi, atdhetar, i biri i Jovan Kosturit, një prej themeluesve të Mësonjëtores së Parë Shqipe. Nën shëmbëlltyrën e të atit, u përfshi gjallërisht në zgjimin kombëtar. Shërbente si një nga katër kujdestarët e shkollës së djemve në Korçë kur, në vitin 1903, arrestohet dhe internohet në Selanik prej autoriteteve osmane, të cilat i druheshin fortifikimit të ndjenjave nacionaliste përmes arsimimit në shqip. Vrasja e Kosturit ndikoi në lëvizjen kombëtare shqiptare. Shtypi i diasporës, “Kombi” në Boston dhe “Drita” në Sofje, intensifikoi përpjekjet për të mbajtur ndezur flakën e atdhedashurisë. Spiro Kosturi u konsiderua si martir i lëvizjes kombëtare. (Në fotografi: Spiro Kosturi)
Teksti: Arkivi Qendror Shtetëror
Fotografia: © https://alb-spirit.com/2017/09/11/spiro-kosturi-vrau-mitropolitin-e-korces-kallpidhis/
Përpunim grafik: AHCF
