Në Tiranë lindi Sadik Kaceli, piktor dhe grafist shqiptar, Piktor i Popullit. Piktori Sadik Kaceli hyn në grupin e piktorëve të rëndësishëm shqiptarë të shekullit XX. Vlerësohet si një nga figurat kryesore të artit shqiptar që konsoliduan realizmin në pikturën shqiptare të gjysmës së parë të shekullit XX, duke sjellë në artin shqiptar elementet kryesore të artit francez, ku ai studioi. Është autor i stemës së Republikës (1946) dhe i flamurit kombëtar. Kaceli ka qenë pjesëmarrës në të gjitha ekspozitat kombëtare dhe ato që shteti shqiptar organizonte jashtë Shqipërisë. Mban titullin “Qytetar Nderi” i qytetit të Tiranës. U nda nga jeta në Tiranë, në vitin 2000. (Në fotografi: Sadik Kaceli)
Teksti: Ylli Drishti, 100 vjet Tirana në pikturë; 1920–2020, “Mediaprint”, Tiranë, 2020, faqe 170.
Fotografia: © https://en.wikipedia.org/wiki/Sadik_Kaceli
Përpunim grafik: AHCF
