herit_admin

U botua në Tiranë numri i parë i “Revistës letrare”, nën drejtimin e shkrimtarëve bashkëthemelues: Mitrush Kuteli, Vedat Kokona, Sterjo Spasse dhe Nexhat Hakiu.

U pushkatua si kolaboracionist Lef Nosi, veprimtar i lëvizjes kombëtare, studiues.

U themelua Universiteti i Prishtinës.

U nda nga jeta Naim S. Frashëri, aktor i teatrit dhe i filmit, Artist i Popullit, Hero i Punës Socialiste.

U nda nga jeta Engjëll Berisha, muzikolog, profesor universiteti, akademik.

Në fshatin Vuno të Himarës lindi Foto Bala, profesor i filozofisë dhe i letërsisë.

Në Korçë doli numri i parë i gazetës “Koha”, gazetë e përjavshme politike, shoqërore, kulturore dhe letrare.

Në Këllëz të Lunxhërisë lindi atdhetari dhe luftëtari i Luftës Antifashiste Nacionalçlirimtare, Naqo Lame Qirko.

Në Tiranë, në një familje punëtore qytetare, lindi Beqir Balluku, pjesëmarrës i Luftës Antifashiste Nacionalçlirimtare dhe drejtues i formacioneve të Ushtrisë Nacionalçlirimtare Shqiptare, gjeneralkolonel, shef i Shtabit të Përgjithshëm të Ushtrisë, ministër i Mbrojtjes, zv.kryetar i Këshillit të Ministrave, anëtar i Komitetit Qendror dhe i Byrosë Politike të Partisë së Punës së Shqipërisë.

Në fshatin Degë të Tropojës, u vra duke luftuar kundër nazistëve gjermanë Fahri Ramadani, pjesëmarrës i Luftës Antifashiste Nacionalçlirimtare, Hero i Popullit.