Në malet e Pashtrikut (Kosovë) u vra Astrit Bytyçi, luftëtar i Ushtrisë Çlirimtare të Kosovës, dëshmor. Lindi në Ferizaj, në vitin 1975. Kreu studimet për gjuhë dhe letërsi shqipe në Fakultetin e Filologjisë të Universitetit të Prishtinës. Në prill të vitit 1998 u rreshtua në radhët e Ushtrisë Çlirimtare të Kosovës, në Zonën e Drenicës. Aktivitetin luftarak e vazhdoi në Ferizaj, më pas iu bashkua ushtarëve që shkonin për armatim në Shqipëri (nëntor 1998). Më 13 dhjetor 1998, së bashku me shumë ushtarë të tjerë, me pajisje dhe armatim e të prirë nga komandant Mujë Krasniqi, nga Shqipëria hyjnë në Kosovë. U vra kur bashkë me 148 luftëtarë të tjerë në kolonë, ra në pritën e forcave serbe në malet e Pashtrikut. (Në fotografi: Astrit Bytyçi)
Teksti: Fjalori enciklopedik i Kosovës – Vëll. I, Akademia e Shkencave dhe e Arteve e Kosovës, Prishtinë, 2018, faqe 245.
Fotografia: © https://www.facebook.com/277539985611068/photos/a.954119464619780/3738421272856238/?type=3
Përpunim grafik: AHCF
