Në një familje atdhetare elbasanase lindi Veli Stafa (Platonicus), poet e prozator. Ashtu si i vëllai, Qemal Stafa, përqafoi që herët idetë demokratike e revolucionare. Në vitet 1932–1937 botoi në shtypin e kohës, si te revista “Bota e re” e Korçës, poezi, tregime, portrete etj., që trajtojnë tematikë shoqërore dhe përshkohen nga fryma patriotike. Në vitin 1982 u botua përmbledhja me shkrimet e tij “Vepra letrare”. U nda nga jeta në vitin 1939. (Në fotografi: Veli Stafa)
Teksti: Fjalor enciklopedik shqiptar – Vëll. 3, Akademia e Shkencave e Shqipërisë, “Kristalina-KH”, Tiranë, 2009, faqe 2387.
Fotografia: © https://www.facebook.com/Let%C3%ABrsi-227177273987157/photos/
Përpunim grafik: AHCF
