herit_admin

Në Mali Kolaj, në Velipojë, lindi dom Dedë Malaj, klerik katolik, martir i Kishës Katolike.

Në Shkodër lindi Rrok Zojzi, etnolog, profesor.

Në Prizren lindi Kolë Margjini, arsimtar.

Në Tiranë lindi Pandeli Majko, veprimtar politik, ministër e kryeministër.

Në Beograd u themelua Shoqata letraro-muzikore “Përpjekja”, shoqatë e studentëve shqiptarë që studionin ne Universitetin e Beogradit.

Në Londër (Britania e Madhe) u nda nga jeta Edit Durham (Mary Edith), antropologe, shkrimtare, publiciste dhe udhëpërshkruese.

Në Tiranë u nda nga jeta Refat Frashëri, mjek bakteriolog, profesor, pjesëmarrës i Lëvizjes Kombëtare të Rilindjes.

Në Tiranë lindi Telat Agolli, krijues i cirkut shqiptar (1952), kampion në ngritje peshe për peshat e rënda, Artist i Popullit, Mjeshtër i merituar i sportit.

Në Konstancë të Rumanisë doli numri i parë i gazetës “Flamur’ i Shqipërisë” (1915–1916), gazetë politike e shoqërore, organ i shqiptarëve të Rumanisë; botohej një herë në dhjetë ditë, shqip dhe rumanisht; disa kryeartikuj edhe frëngjisht e anglisht.

Në Lekdush të Tepelenës lindi Mustafa Matohiti, pjesëmarrës i Luftës Antifashiste Nacionalçlirimtare, Hero i Popullit.