herit_admin

Në Paris, u shpall formimi i Komitetit Kombëtar “Shqipëria e Lirë”, nën kryesinë e patriotit të njohur Mithat Frashëri.

U nda nga jeta në spitalin e burgut të Tiranës, pas një ndërhyrjeje kirurgjikale, Tuk Jakova, veprimtar i lëvizjes komuniste, një ndër drejtuesit e Luftës Antifashiste Nacionalçlirimtare, funksionar i lartë i Partisë Komuniste Shqiptare (Partia e Punës së Shqipërisë) dhe i shtetit, Hero i Popullit.

Në Vjenë u nda nga jeta Maksimilian Lamberc (Maximilian Lambertz, 1882–1963), gjuhëtar austriak, profesor, albanolog.

Në Vlorë u nda nga jeta Zylyftar Veleshnja, pjesëmarrës në lëvizjet demokratike dhe në Luftën Antifashiste Nacionalçlirimtare, Hero i Popullit.

Në Livadhin e Gjatë të fshatit Greiçevc të komunës së Suharekës, u zhvillua “Masakra e Rancës”, masakër e forcave ushtarake dhe policore të Serbisë mbi popullsinë civile.

Në Faremoutiers të Francës lindi Leon Rej (Leon Rey), arkeolog francez.

Në afërsi të Janinës u vra Enriko Telini (Enrico Tellini, 1871–1923), oficer madhor italian.

Në Shkodër lindi Frano Prendi, arkeolog, specialist i periudhës prehistorike, një ndër themeluesit e arkeologjisë shqiptare, profesor.

Në Malin e Rencit (Lorencit), në Shëngjin lindi at Zef Pllumi, meshtar françeskan, shkrimtar.

Në Gjakovë lindi Ali Podrimja, poet, akademik.