Në Mainz (Gjermani) lindi Franc Bop (Franz Bopp), gjuhëtar gjerman, albanolog, themeluesi kryesor i gjuhësisë krahasuese historike indoevropiane, profesor në Universitetin e Berlinit.
Në qytetin Uajting (Whiting) (shteti Indiana, SHBA) lindi Ferid Murati, mjek klinicist dhe farmakolog, profesor, akademik, fitues i çmimit “Nobel” në mjekësi (1998).
Në Tiranë u krijua Komiteti Ekzekutiv i Përkohshëm, organ i përbërë nga 6 veta dhe i zgjedhur nga një “Komitet Kombëtar”, që u mblodh me urdhër të pushtuesve nazistë gjermanë.
Në Korçë u nda nga jeta Pandeli Evangjeli, veprimtar i Rilindjes Kombëtare, kryeministër dhe funksionar i lartë i shtetit gjatë periudhës së pavarësisë.
Në Athinë (Greqi) u nda nga jeta Irene Papas, aktore greke, figurë arkaike e konsideruar si simboli i bukurisë greke dhe përfaqësuese e famshme e kulturës mesdhetare.
