Lindi në Tiranë Kristo Çala, skenograf. Mbaroi Akademinë e Arteve për skenografi më 1986 dhe po atë vit filloi punë në Teatrin Kombëtar, deri në largimin e detyruar në vitin 2000. Shumë nga skenografitë e produksioneve të Teatrit Kombëtar mbajnë firmën e tij. Në zgjidhjet e tij skenografike bie në sy thjeshtësia dhe maturia, një gjuhë e përkorë, por që ka, nga ana tjetër, një domethënie të pasur ideofigurative. Është i prirur më fort ndaj shëmbëllimeve realiste dhe, në rastet e përthyerjeve imagjinare e surrealiste, përdor referencat e forta “natyrale”. (Në fotografi: Kristo Çala)
Teksti: Josif Papagjoni
Fotografia: © https://www.kinematografia-shqiptare-sporti.com/skenografi-kristo-cala/
Përpunim grafik: AHCF
