Në Përrenjas, u vra në luftë kundër nazistëve gjermanë Qybra Sokoli, pjesëmarrëse e Luftës Antifashiste Nacionalçlirimtare, Heroinë e Popullit. Lindi në Korçë, në vitin 1924. Pjesëmarrëse aktive në demonstratat antifashiste gjatë viteve 1942–1943, ku u plagos dy herë. U hodh në rreshtat partizanë dhe me formimin e Brigadës XX Sulmuese (1944), u caktua sekretare rinie batalioni. Punoi dhe si mësuese me partizanët e Brigadës. U nda nga jeta në vitin 1944. (Në fotografi: Qybra Sokoli)
Teksti: Fjalor enciklopedik shqiptar – Vëll. 3, Akademia e Shkencave e Shqipërisë, “Kristalina-KH”, Tiranë, 2009, faqe 2369.
Fotografia: © Xhoxhi L., arkivi vetjak.
Përpunim grafik: AHCF
