herit_admin

U vra në luftë me forcat ushtarake serbe në malet e Pashtrikut Haxhi Hoti, luftëtar i Ushtrisë Çlirimtare të Kosovës, dëshmor i kombit.

U krijua Arkivi Qendror Shtetëror i Republikës së Shqipërisë, institucion qendror për mbledhjen, ruajtjen, përpunimin dhe botimin shkencor të dokumenteve me vlera historike, qendër për drejtimin e punës arkivore dhe të rrjetit arkivor në Shqipëri.

Ra duke luftuar kundër nazistëve gjermanë në fshatin e tij të lindjes Zaho Koka, pjesëmarrës i Luftës Antifashiste Nacionalçlirimtare, Hero i Popullit.

Në kuvendin e Sarnos (Itali) u nda nga jeta Leonardo de Martino, studiues e frat françeskan arbëresh.

Në Shkodër lindi Çesk Zadeja, kompozitor, Artist i Popullit, profesor, anëtar i jashtëm i Akademisë së Shkencave dhe të Arteve të Kosovës, një ndër përfaqësuesit më të spikatur të traditës muzikore profesioniste shqiptare.

U vra nga qarqet greke Kadri (Kumbaro) Gjata, veprimtar i lëvizjes kombëtare të periudhës së fundit të Rilindjes.

U nda nga jeta Profeti Muhamed.

Në Janjevë të Kosovës lindi Shtjefën Gjeçovi (Mëhill Konstandin Gjeçi Kryeziu), shkrimtar, publicist, përkthyes, klerik, etnograf, arkeolog.

Në Spitalin Ushtarak në Maznikë u nda nga jeta Enver Dobraj, luftëtar i Ushtrisë Çlirimtare të Kosovës, dëshmor.

Në Tiranë lindi Qazim Turdiu, matematikan, profesor, Mësues i Popullit.