herit_admin

Në Shkodër lindi Loro Boriçi, futbollist (qendërsulmues), trajner, pedagog, Mjeshtër i merituar i sportit.

Shpërtheu Lufta e Parë Botërore (1914–1918), luftë me përmasa të mëdha ndërmjet dy grupeve ndërluftuese të Marrëveshjes Tripalëshe të Gjermanisë dhe Austro-Hungarisë, nga njëra anë, dhe Fuqive të Antantës - Anglisë, Francës dhe Rusisë - nga ana tjetër.

Në Norvegji lindi Berit Beker (Backer), studiuese norvegjeze në fushën e antropologjisë sociale.

Lindi në Shkodër Filip Shiroka, poet dhe veprimtar i lëvizjes kombëtare.

Në Torino (Itali) u nda nga jeta Feim Ibrahimi, kompozitor, Artist i Popullit.

Në mbështetje të postës kufitare të Vidohovës (Korçë), u vra në fushën e betejës Memo Nexhip Bejko, luftëtar antifashist, Hero i Popullit.

U zhvilluan “Provokacionet e gushtit 1949”, sulme që ndërmorën forcat ushtarake greke kundër Republikës Popullore të Shqipërisë, në kohën kur në Greqi zhvillohej lufta civile, nën pretekstin se Shqipëria ndihmonte forcat kundërshtare greke.

Në fshatin Vig të Mirditës u zhvillua “Lufta e Vigut”.

U organizua Mbledhja e Mukjes, mbledhje e delegacioneve të Këshillit të Përgjithshëm Nacionalçlirimtar dhe të Ballit Kombëtar.

Në Delvinë lindi Panajot Kanaçi, koreograf, Artist i Popullit.