herit_admin

U themelua Universiteti Shtetëror i Tetovës, institucion i lartë mësimor e shkencor, qendër e rëndësishme e përgatitjes së specialistëve të kualifikuar.

Në Rugovë të Pejës lindi Çun Lajçi, aktor.

Në Tiranë u vetëvra Mehmet Shehu, veprimtar i lëvizjes antifashiste e komuniste, një ndër drejtuesit e Luftës Antifashiste Nacionalçlirimtare, funksionar i lartë i shtetit dhe i Partisë së Punës të Shqipërisë, kryeministër, Hero i Popullit.

Në një aksident trafiku u nda nga jeta Lulëzim Morina, luftëtar i Ushtrisë Çlirimtare të Kosovës.

U nda nga jeta Fatos Sela, aktor, “Artist i merituar”.

Në Tetovë lindi Alajdin Demiri, diplomat, analist politik dhe profesor universitar.

Në Shkodër lindi Daut Boriçi, klerik, atdhetar, mësues dhe hartues tekstesh shkollore.

Në fshatin Shoshan të Malësisë së Gjakovës lindi Haxhi Zeka, atdhetar, tribun popullor, themelues i Lidhjes së Pejës.

Në Francë u nda nga jeta Fransua Pukëvilë (François Charles Henry Louis Pouqueville), mjek, natyralist, diplomat, historian e arkeolog francez.

Në Pejë lindi Ramiz Jakup Kelmendi, shkrimtar, përkthyes, prozator dhe publicist shqiptar.