herit_admin

Zhvilloi punimet Kongresi i Durrësit (1918), mbledhja e përfaqësuesve të Shqipërisë në ish-kryeqytetin e vendit, Durrës, për rimëkëmbjen e shtetit shqiptar e për mbrojtjen e të drejtave kombëtare në kushtet e vështira të mbarimit të Luftës I Botërore.

U krijuan Forcat Detare, lloj i Forcave të Armatosura dhe autoriteti kryesor detar për mbrojtjen e hapësirës detare dhe të bregdetit të Republikës së Shqipërisë.

U pushkatua Dali Ndreu, pjesëmarrës i Luftës Antifashiste Nacionalçlirimtare, gjeneral.

Në Shijak lindi Abaz Hado, piktor, grafist dhe kurator shqiptar i shekujve XX–XXI.

Në Berkshir (Angli) lindi Noel Malkolm (Malcolm), historian anglez me kontribut të veçantë në ndriçimin e historisë së Kosovës.

Në Tiranë u nda nga jeta Zef Mala, publicist e aktivist politik.

Në Pogradec lindi Lasgush Poradeci, poet lirik, përkthyes.

Në Vjenë (Austri) u formua shoqëria “Dija”, shoqëri patriotike e intelektualëve shqiptarë.

Në Niagara Falls (SHBA) u nda nga jeta Mustafa (Merlika) Kruja, kryeministër gjatë periudhës së pushtimit fashist 1941–1943, veprimtar politik, studiues.

U nda nga jeta Jaho Gjoliku, atdhetar, demokrat, pjesëmarrës i Luftës Antifashiste Nacionalçlirimtare, Hero i Popullit.