herit_admin

Lindi në Shkodër Hodo Sokoli, veprimtar i Lidhjes Shqiptare të Prizrenit (1878), i cili dha kontribut të veçantë në luftën për mbrojtjen e tërësisë territoriale të atdheut, si një nga udhëheqësit ushtarakë të Lidhjes dhe kryetar i Komitetit të degës së Lidhjes së Shkodrës.

U përurua në Tiranë Instituti i Lartë i Arteve, institucioni më i lartë arsimor i asaj kohe për përgatitjen e artistëve krijues dhe ekzekutues në fushën e muzikës, arteve figurative dhe teatrit.

Doli numri i parë i gazetës “Drita”, organ i Lidhjes së Shkrimtarëve dhe Artistëve të Shqipërisë.

Lindi në Gjakovë Anton Çetta (1920–1995), folklorist, profesor, veprimtar shoqëror e patriot.

Lindi në Triesh të Malësisë së Madhe (Mali i Zi) Athanas Gegaj (1904–1988), historian e publicist.

U nda nga jeta Qazim Koculi, veprimtar politik i periudhës së pavarësisë.

U dënua me vdekje dhe u var Dom Gjon Gazulli (1893–1927). Lindi në Dajç të Zadrimës (Lezhë).

U nda nga jeta Gjerasim Qiriazi (1858–1894), veprimtar i Lëvizjes Kombëtare, themelues i Shkollës së Parë Shqipe të Vashave në Korçë, autor tekstesh mësimore.

Në Tiranë u nda nga jeta Haxhi Lleshi, kryetar i Presidiumit të Kuvendit Popullor në vitet 1953–1982, pjesëmarrës i Luftës Antifashiste Nacionalçlirimtare, Hero i Popullit.

Lindi në Vlorë Shaban Demiraj, gjuhëtar, profesor, akademik, anëtar i Akademisë së Shkencave dhe i Arteve të Kosovës, Mësues i Popullit.