herit_admin

Në Korçë lindi Kristo Dako, veprimtar i Lëvizjes Kombëtare, publicist, organizator i arsimit në Shqipëri, autor tekstesh shkollore e studiues i historisë.

Në Ferizaj të Kosovës lindi dom Shtjefën Kurti, martir i Kishës Katolike.

U vra barbarisht nga agjentë grekë at Stath Melani, klerik atdhetar që luftoi për çlirimin e për mbrojtjen e vendit.

Në Elbasan u vra Alush Lleshanaku, nacionalist.

Në Tiranë u nda nga jeta Sadik Kaceli, piktor dhe grafist shqiptar, Piktor i Popullit.

Në Elbasan lindi Kostaq Cipo, gjuhëtar, filolog, veprimtar i arsimit, Mësues i Popullit.

Në Kuç të Vlorës lindi Xhemil Demiraj, ushtarak.

Në Korçë lindi Kristaq Antoniu, këngëtar lirik, tenor e më pas bariton, Artist i Popullit.

Zhvilloi punimet Kongresi i Durrësit (1918), mbledhja e përfaqësuesve të Shqipërisë në ish-kryeqytetin e vendit, Durrës, për rimëkëmbjen e shtetit shqiptar e për mbrojtjen e të drejtave kombëtare në kushtet e vështira të mbarimit të Luftës I Botërore.

U krijuan Forcat Detare, lloj i Forcave të Armatosura dhe autoriteti kryesor detar për mbrojtjen e hapësirës detare dhe të bregdetit të Republikës së Shqipërisë.