herit_admin

Në Berat lindi Llukë Karafili, arsimtar, studiues, bibliofil dhe publicist.

Në frontin e lumit Ebro të Spanjës u plagos rëndë dhe u nda nga jeta Xhemal Kada, veprimtar antifashist, Hero i Popullit.

Në Shkodër u nda nga jeta Florian Berisha, klerik katolik, një prej firmëtarëve të Statutit të Kishës Katolike të Shqipërisë (1951).

Në Zabllaç të Istogut lindi Menhend Dervishaj, luftëtar i Ushtrisë Çlirimtare të Kosovës, dëshmor.

Në një familje patriote kolonjare në fshatin Tërnovë të Manastirit, lindi Gjerasim Qiriazi, veprimtar i lëvizjes kombëtare, themelues i Shkollës së Parë Shqipe të Vashave në Korçë, autor tekstesh mësimore, Mësues i Popullit.

Filloi Lufta e Parë Ballkanike, luftë e koalicionit ballkanik për t’i shkëputur territore Perandorisë Osmane.

Në Shkodër lindi Ramiz Alia, president i Shqipërisë në vitet 1991–1992, Sekretar i Parë i Komitetit Qendror të Partisë së Punës të Shqipërisë (1986–1991), Kryetar i Frontit Demokratik të Shqipërisë (1985–1988), pjesëmarrës i Luftës Antifashiste Nacionalçlirimtare, Hero i Punës Socialiste.

Në Kuçovë u krijua shoqëria “Puna” e naftëtarëve (1935–1936), shoqëri punëtore e krijuar për organizimin e qëndresës kundër shfrytëzimit të kapitalistëve italianë të shoqërisë së naftës AIPA (Azienda Italiana-Petroli Albania).

Në lagjen “Tophana” të Vlorës, në bazën ilegale të Partisë Komuniste Shqiptare u vra Bajram Tushi, pjesëmarrës i Luftës Antifashiste Nacionalçlirimtare, Hero i Popullit.

Në lagjen “Tophana” të Vlorës, në bazën ilegale të Partisë Komuniste Shqiptare u vra Hajredin Bylyshi, pjesëmarrës i Luftës Antifashiste Nacionalçlirimtare, Hero i Popullit.