herit_admin

Në Tiranë u inaugurua Muzeu Historik Kombëtar, institucioni muzeor më i madh në Shqipëri.

U nda nga jeta Gjin Bua Shpata, sundimtar në tokat e Epirit.

29 tetor – 17 nëntor 1944. U zhvillua “Lufta për çlirimin e Tiranës”, një operacion i madh nga më të rëndësishmit, më të ashprit e më të suksesshmit që kanë zhvilluar njësitë e Ushtrisë Nacionalçlirimtare Shqiptare kundër forcave gjermane e bashkëpunëtorëve të tyre për çlirimin e qyteteve të Shqipërisë.

Në Qyshk të Pejës (Kosovë) lindi Agim Çeku, luftëtar i Ushtrisë Çlirimtare të Kosovës, ushtarak, politikan.

Në Tiranë u nda nga jeta Avni Mula, këngëtar bariton, kompozitor, Artist i Popullit.

Doli numri i parë i gazetës “Zër’ i popullit” (The People’s Voice) (1912–1913), gazetë e përjavshme, politike e letrare në gjuhën shqipe e pjesërisht në anglishte.

Në Shkodër lindi Injac Baqli, ekonomist, nëpunës në Bankën e Shtetin në Shkodër.

Në Borsh të Sarandës lindi Agron Aliaj, kërcimtar dhe koreograf, Artist i Popullit.

Në Tiranë u nda nga jeta Mihal Luarasi, regjisor, kritik i teatrit, Artist i Popullit.

Në fshatin Gradec në rrethinën e Tetovës lindi Mehmet Hasan pashë Derralla, udhëheqës ushtarak dhe Ministër i Parë i Luftës në Qeverinë e Ismail Qemalit.