herit_admin

Në Kavajë lindi Indrit Cara, luftëtar i Ushtrisë Çlirimtare të Kosovës, dëshmor.

Në Gjakovë të Kosovës lindi Esat Stavileci, jurist, profesor, akademik.

U zhvillua “Beteja e Kulinës” ndërmjet ushtrisë osmane dhe kryengritësve shqiptarë në fushën e Llapit.

Në Korçë doli numri i parë i gazetës “Lidhja orthodhokse” (1909–1910), gazetë e përdyjavshme politike, fetare dhe letrare; botohej pjesërisht edhe në greqisht. Vijoi deri në numrin 22 (qershor 1910).

U nda nga jeta Engjëll Mashi (1758–1821). Studiues arbëresh i historisë dhe i kulturës popullore shqiptare.

Në Shën Gjergj të Malit të Zi, që në atë kohë i përkiste Dioqezës së Shkodrës, lindi dom Mark Gjani, klerik, martir i Kishës Katolike.

Në Vlorë lindi Remzi Kuçi, piktor, skulptor dhe illustrator i botimeve shkollore në gjysmën e dytë të shekullit XX.

Në Tiranë u përurua kinostudioja “Shqipëria e Re”, ndërmarrje kinematografike kombëtare, që prodhonte filma artistikë, dokumentarë dhe vizatimorë.

Në Shkodër u inaugurua ekspozita ateiste me titull “Mbi rolin reaksionar të fesë” e cila qëndroi e hapur për 5 vjet dhe shërbeu dhe si ekspozitë shëtitëse duke shkuar në fshatra, malësi dhe zona industriale për të bërë propagandë antifetare.

U nda nga jeta Dede Ahmet Ahmataj, kryegjysh bektashian.