herit_admin

Ra dëshmor gjatë përleshjeve të Luftës së Vlorës, Zigur Lelaj, veprimtar i luftës për mbrojtjen e pavarësisë e të tërësisë tokësore të vendit, pjesëmarrës në Luftën e Vlorës (1920), Hero i Popullit.

U zhvillua “Beteja e Selcës”, një nga përpjekjet më të mëdha të armatosura të Kryengritjes kundërosmane të vitit 1911, kur shqiptarët u ndeshën me forcat ushtarake osmane të komanduara nga Ethem Pasha, i cili në krye të gjashtë batalioneve u hodh kundër kryengritësve për t’i ardhur në ndihmë Shefqet Turgut pashës.

Në frontin Dashinoc-Lumbardh-Pozhar u vra Jeton Dedushaj, luftëtar i Ushtrisë Çlirimtare të Kosovës, dëshmor.

U nda nga jeta Pertef Pogoni, figurë e shquar e arsimit shqiptar.

Filloi “Lufta e Vlorës”, një luftë e armatosur e popullit shqiptar për çlirimin e krahinës së Vlorës nga pushtuesit italianë dhe për bashkimin e saj administrativ me pjesën tjetër të Shqipërisë.

Në Tepelenë u zhvillua “Gjyqi Ushtarak i Zhapokikës”, një gjyq ndaj kryengritësve kundër regjimit komunist.

Në Fier lindi Liri Gero, pjesëmarrëse në Luftën Antifashiste Nacionalçlirimtare, Heroinë e Popullit.

Në fshatin Idrizaj të Gjilanit lindi Mulla Idris Gjilani, klerik, një nga organizatorët dhe drejtuesit kryesorë të qëndresës kundër rivendosjes së pushtetit jugosllav në Kosovë në mbarim të Luftës II Botërore.

Në Bolonjë (Itali) u nda nga jeta Antonio Baldaci (Baldacci, 1867– 1950), botanist dhe gjeograf italian, akademik.

U nda nga jeta dom Lekë Sirdani, martir i Kishës Katolike.