herit_admin

Përfundoi marrëveshja e qeverisë së Ismail Qemalit, për krijimin e Bankës Kombëtare të Shqipërisë, me Karol Pitner e Oskar Pollak, përfaqësues të Wienner Bank Verein, që vepronte në emër të grupit bankar austro-hungarez dhe me Pietro Fenolio e Guido Ansbaher përfaqësues të Banca Commerciale Italiana, që vepronte në emër të grupit bankar italian.

Në Nju-Jork (SHBA), në një familje të mërguar nga Dragoti i Tepelenës, lindi Sten Dragoti, regjisor dhe producent shqiptaro-amerikan.

Në Bolonja (Itali) u nda nga jeta Luixhi (Luigi) Maria Ugolini, (1895–1936), arkeolog italian.

Në frontin e lumit Ebro të Spanjës u vra Asim Vokshi, veprimtar i lëvizjes komuniste, pjesëmarrës në Luftën e Spanjës, Hero i Popullit.

Në Bicaj të Kukësit u formua Brigada XXIV Sulmuese e Ushtrisë Nacionalçlirimtare Shqiptare.

Në Hora e Arbëreshëve (it. Piana degli Albanesi) të Sicilisë lindi Nikola Barbato (it. Nicola Barbato), mjek, gazetar e politikan arbëresh.

Në Delvinë lindi Sulejman Delvina, kryeministër i qeverisë që doli nga Kongresi i Lushnjës (1920), veprimtar politik.

Në Mitrovicë (Kosovë) lindi Xhevat Qena, aktor.

Në Mbretërinë e Bashkuar u nda nga jeta Rixhnald Hibert (Sir Reginald Hibbert), oficer britanik, historian.

Në Çukas të Fier-Sheganit (Lushnjë), në një luftim me nazistët gjermanë, pasi u plagos disa herë, u kap nga pushtuesit dhe u dogj e gjallë Liri Gero, pjesëmarrëse në Luftën Antifashiste Nacionalçlirimtare, Heroinë e Popullit.