herit_admin

Në Tiranë, u var nga fashistët italianë Shyqyri Ishmi, pjesëmarrës i Luftës Antifashiste Nacionalçlirimtare, Hero i Popullit.

Në fshatin Gurrëz të Lezhës u pushkatua dom Shtjefën Kurti, martir i Kishës Katolike.

U nda nga jeta Nick Tosches, autor i shquar i biografive, gazetar dhe shkrimtar me origjinë arbëreshe.

U nda nga jeta Xhelal Koprencka, organizator dhe udhëheqës i lëvizjes për pavarësi kombëtare në Skrapar.

Në Tiranë lindi Alush Shima, piktor filmi dhe kostumesh.

21–26 tetor 1944. U zhvillua “Lufta e Gëziqit”, beteja kryesore për thyerjen e kundërgoditjeve gjermane gjatë mësymjes së Divizionit II Sulmues për çlirimin e Shqipërisë së Mesme e të Veriut.

U nda nga jeta Isuf Myzyri, muzikant popullor, Artist i Popullit.

Në Prishtinë (Kosovë) u nda nga jeta Lorenc Antoni, kompozitor, etnomuzikolog, pedagog dhe drejtues kori.

Në Shkodër lindi Marie Shllaku, veprimtare e lëvizjes antikomuniste.

Incidenti i Kanalit të Korfuzit: Dy anije britanike që po kalonin në ujërat territoriale shqiptare, pranë Kanalit të Korfuzit, ranë në mina dhe nga shpërthimi i tyre vdiqën 43 ushtarë dhe oficerë britanikë, si dhe u plagosën po aq të tjerë.