herit_admin

21–26 tetor 1944. U zhvillua “Lufta e Gëziqit”, beteja kryesore për thyerjen e kundërgoditjeve gjermane gjatë mësymjes së Divizionit II Sulmues për çlirimin e Shqipërisë së Mesme e të Veriut.

U nda nga jeta Isuf Myzyri, muzikant popullor, Artist i Popullit.

Në Prishtinë (Kosovë) u nda nga jeta Lorenc Antoni, kompozitor, etnomuzikolog, pedagog dhe drejtues kori.

Në Shkodër lindi Marie Shllaku, veprimtare e lëvizjes antikomuniste.

Incidenti i Kanalit të Korfuzit: Dy anije britanike që po kalonin në ujërat territoriale shqiptare, pranë Kanalit të Korfuzit, ranë në mina dhe nga shpërthimi i tyre vdiqën 43 ushtarë dhe oficerë britanikë, si dhe u plagosën po aq të tjerë.

U nda nga jeta imzot Frano Illia, klerik i lartë katolik, Kryeipeshkëv Metropolitan i Shkodrës (1993–1997), etnograf e përkthyes.

Në Tiranë u nda nga jeta Geraldinë Zogu (Geraldine Apponyi), mbretëreshë e shqiptarëve e kurorëzuar nga martesa civile me mbretin e shqiptarëve, Ahmet Zogu, në Tiranë, më 27 prill 1938.

Në Horën e Arbëreshëve (it. Piana degli Albanesi) në Sicili, lindi Dhimitër Kamarda (it. Demetrio Camarda), gjuhëtar e filolog arbëresh, klerik.

Në Berlin të Gjermanisë u nda nga jeta Franc Bop (Franz Bopp), gjuhëtar gjerman, albanolog, themeluesi kryesor i gjuhësisë krahasuese historike indoevropiane, profesor në Universitetin e Berlinit.

Në Fishtë të Zadrimës lindi Gjergj Fishta, poet, klerik i lartë, estet, politikan, polemist, dramaturg.