herit_admin

Më 24 prill 1877, Perandoria Ruse i shpalli luftë Turqisë.

Më 24 prill 1906, në Gjakovë lindi Rexhep Krasniqi (1906–1999), veprimtar politik dhe i arsimit kombëtar.

Më 24 prill 1951 u krijua Aviacioni Luftarak Shqiptar.

Më 24 prill 1968, në fshatin Burojë të komunës së Skënderajt (Drenicë) lindi Hashim Thaçi, kryeministër i Republikës së Kosovës, Kryetar i Partisë Demokratike të Kosovës.

Më 24 prill 1980, në Korçë u përurua Muzeu Kombëtar i Artit Mesjetar, një nga qendrat muzeore më të rëndësishme të Shqipërisë e më gjerë.

Më 23 prill 1682, në fshatin Hora e Arbëreshëve të Sicilisë (it. Piana degli Albanesi), lindi Gjergj Guxeta (Guzzeta), themeluesi i Seminarit greko-shqiptar të Palermos, më 1734.

Më 23 prill 1969, në Fier u shemb kisha e Shën Gjergjit, e ndërtuar në vitin 1782 dhe që funksionoi deri më 6 shkurt 1969, kur u mbyll si rezultat i fushatës ateiste për ndalimin e fesë e ndërrmarë nga qeveria e kohës.

Më 23 prill 1872, në Tushemisht të Pogradecit lindi Gjergj Pekmezi, gjuhëtar.

Në Prishtinë u nda nga jeta Fadil Hoxha, veprimtar politik i Kosovës dhe i Republikës Federative Socialiste të Jugosllavisë, pjesëmarrës dhe drejtues i Luftës Antifashiste Nacionalçlirimtare në Kosovë, Hero i Popullit (Jugosllavi).

Më 22 prill 1865, në Luaras të Kolonjës lindi Petro Nini Luarasi, veprimtar i Rilindjes Kombëtare dhe i shkollës shqipe, publicist, Mësues i Popullit.